اسلام آباد (آن لائن) میاں رضا ربانی نے کہا ہے کہ سینٹ چاروں صوبوںکا نمائندہ ایوان ہے وفاق کی مضبوطی سینٹ کے ساتھ منسلک ہے، سینٹ کی مضبوطی کے لئے ضروری ہے کہ سینٹ کا عملہ ایمانداری سے اپنے فرائض ادا کرے، فرائض سے غفلت کوتاہی برداشت نہیں کی جائے گی، ہر پیر کو تین سے چار بجے سینٹ ملازمین مجھ سے ملاقات کر سکتے ہیں اور اپنے تمام مسائل سے آگاہ کر سکتے ہیں ، براہ راست رسائی کا مقصد سفارش کلچر کا خاتمہ ہے۔ ان خیالات کا اظہار انہوں نے سینٹ ملازمین سے خطاب میں کیا۔