اسلام آباد (آئی این پی)ترجمان دفتر خارجہ تسنیم اسلم نے کہا ہے کہ قطر کے امیر شیخ تمیم بن حماد الثانی آج پیر کو دو روزہ دورے پر اسلام آباد پہنچیں گے، پاکستان اور قطر کے درمیان دوستانہ قریبی تعلقات ہیں، امیر قطر کے دورہ پاکستان سے دونوں ممالک کے درمیان تعلقات مزید مضبوط ہوں گے۔ اتوار کو اپنے ایک بیان میں ترجمان دفتر خارجہ نے کہا کہ قطر کے امیر کا یہ پاکستان کا پہلا سرکاری دورہ ہے، قطر کے امیر شیخ تمیم بن حماد الثانی وزیراعظم نواز شریف کی دعوت پر پاکستان آ رہے ہیں۔