سکھر (آئی این پی) سکھر کے قریب بائی پاس پر روہڑی ببر لوئی ٹول پلازہ کے مقام پر مورو سے شکارپور کی طرف جانے والی باراتیوں سے بھری وین میں اچانک آگ بھڑک اٹھی جس کی وجہ سے وین میں چیخ و پکار مچ گئی۔ ٹول پلازہ کے عملے اور مقامی افراد نے اپنی مدد آپ کے تحت مسافروں کو بحفاظت اتار لیا۔ ڈرائیور آگ لگنے کے بعد گاڑی چھوڑ کر فرار ہو گیا۔ آگ لگنے کی وجہ وین میں لگے گیس سلینڈر سے لیکج ہونا بتائی جاتی ہے آگ لگنے کی اطلاع پر فائر بریگیڈ گاڑیوں نے پہنچ کر آگ پر کنٹرول کر لیا تاہم گا ڑی مکمل طور پر جل کر خاکستر ہو گئی۔