کراچی(آن لائن) اورنگی ٹائون کے علاقے داتانگر کے ایک گھر سے دلہن کی نعش برآمد ہوئی ہے۔ 20 سالہ عاصمہ کی 5 روز قبل نابینہ شخص سے شادی ہوئی تھی۔ تفصیلات کے مطابق منگل کے روز اورنگی ٹائون کے علاقے داتا نگر سے ایک گھر سے خاتون کی پراسرار طور پر نعش برآمد ہوئی ہے ۔عاصمہ نامی خاتون کی 5 روز قبل نابینہ شخص سے شادی ہوئی تھی۔ پولیس کے مطابق  نعش داتا نگر کے ایک گھر سے برآمد ہوئی ہے۔ ابتدائی تفتیش سے معلوم ہوتا ہے کہ خاتون نے مبینہ طور پر پھندہ لگا کر خودکشی کی ہے تاہم مزید معلومات پوسٹ مارٹم  رپورٹ کے بعد ہی مل سکتی ہے۔ پولیس نے نعش تحویل میں لے کر پوسٹمارٹم کے لئے بھجوا دی ہے اور مقدمہ درج کر کے تفتیش شروع کر دی ہے۔