فیصل آباد (نمائندہ خصوصی) جائیداد کے تنازعہ پر نوجوان نے چھوٹے بھائی کو تیزاب پلا دیا۔ تفصیلات کے مطابق تھانہ ملت ٹاؤن کے علاقے چک نمبر202ر۔ب اظہر ٹاؤن کے رہائشی اصغر نے پولیس کو مقدمہ درج کرواتے ہوئے بتایا کہ میں نے اپنے بڑے  بیٹے ریاض کو جائیداد کے تنازعہ پر بے دخل کیا ہے۔ گزشتہ روز ریاض نے فریج میں پانی کی بوتل میں تیزاب رکھ دیا جو میرے چھوٹے بیٹے نے پی لیا جس سے اس کی حالت غیر ہو گئی جسے طبی امداد کے لئے منتقل کر دیا گیا ہے۔ پولیس نے مقدمہ درج کر کے ابتدائی تفتیش شروع کر دی ہے۔
تیزاب