کراچی (نوائے وقت نیوز) بھتہ خوری کے ملزم مرزا بھائی کے لائف ٹائم وارنٹ گرفتاری جاری کر دیئے گئے۔ وارنٹ گرفتاری انسداد دہشت گردی کی خصوصی عدالت نے جاری کئے۔ پولیس نے عدالت کو بتایا کہ ملزم کی گرفتاری کے لئے پولیس نے انٹرپول سے رابطہ کر لیا ہے۔ ملزم مرزا بھائی سائوتھ افریقہ میں ہے، جس کی نشاندہی کر لی۔ ملزم پاکستان اور بھارت کے ڈاکٹرز سے بھتہ وصول کرتا ہے۔ ملزم مرزا بھائی کا اصل نام حافظ فرقان ہے۔ ملزم مرزا کا بھائی ڈاکٹرز سے فون اور ای میل پر بھتہ وصول کرتا تھا۔ ملزم کے ایک ساتھی ارسلان کو کراچی سے گرفتار کر لیا گیا ہے۔