سیالکوٹ ائرپورٹ پر زیمبیا کی 3 خواتین کے پیٹ سے ہیروئن سے بھرے 67 کیپسول برآمد
سیالکوٹ (نامہ نگار) سیالکوٹ انٹرنیشنل ائیرپورٹ سے تین غیر ملکی مسافرخواتین سے اینٹی نارکوٹکس فورس نے ہیروئن سے بھرے 67 کیپسول برآمدکرلئے ہیں۔ زیمبیا کی شہریت رکھنے والی تین غیر ملکی خواتین ریچل سائبرا، ساندرہ کاسگا اور مسز ناماکائو اپنے بچے کے ہمراہ سیالکوٹ سے مسقط جانیوالی پرواز کی مسافر تھیں جنہیں بورڈنگ کارڈ جاری ہوچکے تھے کہ اینٹی نارکوٹکس فورس کے عملہ نے انہیں روک کر پوچھ گچھ کے بعد حراست میں لے لیا۔ تینوں غیر ملکی خواتین کو سیالکوٹ کے گورنمنٹ علامہ اقبال ہسپتال لایا گیا جہاں ڈاکٹروں نے ان خواتین کے پیٹ سے ہیروئن سے بھرے67کیپسولز برآمدکئے۔ ان غیر ملکی خواتین کے ساتھیوں کی گرفتاریوں کیلئے بھی چھاپے جاری ہیں۔
