’’بگٹی قتل کیس‘‘ میڈیکل بورڈ آج گھر جاکر پرویز مشرف کا معائنہ کریگا
کراچی(نوائے وقت رپورٹ) سابق صدر پرویزمشرف کے طبی معائنے کیلئے میڈیکل بورڈ آج ان کے گھر جائے گا۔ نجی ٹی وی کے مطابق میڈیکل بورڈ کے ارکان کو سکیورٹی فراہم کرنے کی ہدایات کردی گئی ہیں میڈیکل بورڈ رینجرز اہلکاروں کے ساتھ جائے گا۔ کوئٹہ میں انسداد دہشت گردی کی عدالت نے اکبر بگٹی قتل کیس میں سابق صدر کے طبی معائنے کا حکم دیا ہے۔ پرویزمشرف کا دو بار طبی معائنہ میڈیکل بورڈ کے سامنے پیش نہ ہونے کی وجہ سے نہیں ہوسکا۔
