پشاور (صباح نیوز) آئی ڈی پیز کی واپسی کا سلسلہ جاری ہے، متعدد خاندان اپنے گھروں کو روانہ ہو چکے ہیں نو ہزار ایک سو تہتر خاندان باڑہ خیبر ایجنسی روانہ ہوگئے ہیں، ان خاندانوں کو چھ ہزار آٹھ سو اٹھارہ اے ٹی ایم کارڈز جاری کئے گئے ہیں۔ چار ہزار سات سو نواسی خاندان جنوبی وزستان اپنے گھروں کو کوچ کرگئے ان خاندانوں کو دو ہزار چار سو انہتر سمز کارڈ اور دو ہزار نو سو اے ٹی ایم کارڈز جاری کر دئیے گئے ہیں۔ ستر خاندان شمالی وزیرستان چلے گئے جبکہ ان کو باسٹھ اے ٹی ایم کارڈز جاری کئے گئے ہیں، واپس جانے والے ہر خاندان کو فیملی ٹینٹ اور چھ ماہ کا راشن دیا گیا ہے۔ سرکاری حکام کے مطابق اے ٹی ایم کارڈ کے ذریعے متاثرہ خاندان پچیس ہزار کی رقم نکال سکتے ہیں۔