نیشنل بیس بال چیمپئن شپ کی تیاریاں مکمل، مقابلے 10 اپریل سے ہونگے
لاہور(سپورٹس رپورٹر) 12 ویں نیشنل بیس بال چیمپیئن شپ 2015ء کی تیاریاں مکمل کر لی گئیں۔ تین روزہ چیمپئن شپ کا آغاز 10 اپریل سے میں ہوگا۔ اس بات کا اعلان چودھری کبیر احمد خان، چیئرمین آرگنائزنگ کمیٹی معظم خان اور آرگنائزنگ سیکرٹری شیخ مظہر احمد نے پریس کانفرنس میں کیا۔پاکستان فیڈریشن آف بیس بال کے صدر خاور شاہ بھی موجود تھے۔ چودھری کبیر احمد خان کا کہنا تھا کہ 9 اپریل کو تمام ٹیمیںآرگنائزنگ کمیٹی کو رپورٹ کر دینگی اسی روز ڈراز کا اعلان کر دیا جائے گا۔
