لاہور(سپورٹس رپورٹر) اپریل پولو کپ 2015ء کا ٹائٹل نونز ٹیم نے جیت لیا۔ لاہور پولو کلب میں کھیلے جانے والے فائنل میں نونز ٹیم نے حتف کے خلاف تین کے مقابلے میں ساڑھے نو گول سے کامیابی حاصل کی۔ فاتح ٹیم کی جانب سے سیف نون نے چار، تیمور حیات نون اور بلال حیات نون نے ایک ایک گول کیا۔ جبکہ حتف ٹیم کی جانب سے تینوں گول حسن علی فخر نے کیے۔ اس سے قبل تیسری پوزیشن کے لیے کھیلے جانے والے میچ میں لوٹو کارپٹس سنگاپور نے نیو ایج میجک ریور کو 4 کے مقابلے 7 گول سے شکست دی۔