ڈومیسٹک کرکٹ میں شاندار کارکردگی نعیم الیون پھر بھی پی سی بی کی آنکھوں سے اوجھل
گوجرانوالہ (نمائندہ خصوصی) قومی کرکٹ میں ابتدائی بلے بازی پر آئے بحران کے باوجود ’’سلیکٹرز‘‘ کی نظر ڈومیسٹک رینکنگ میں گزشتہ چار بر سوں سے مسلسل نمایاں رہنے والے سوئی گیس ڈیپارٹمنٹ و سیٹلائٹ ٹائون کلب کی طرف سے کھیلنے والے اوپنر بلے باز نعیم الدین پر تا حال نہ پڑ سکی جسکے باعث کرکٹ کے ماہر یا شائقین حلقے تذبذب کا شکار ہو رہے ہیں، گزشتہ برس قائداعظم ٹرافی گولڈ کپ کے مین آف سیریز اور موجودہ سیزن میں ایک ہزار سے زائد رنز بنا کر سر فہرست رہنے والے نعیم الدین کا بطور اوپننگ بیسٹمین کھیل بلا شبہ میرٹ کو بنیاد بنا کر سلیکٹرز کی توجہ جھنجھوڑ رہا ہے۔
