کوہاٹ (صباح نیوز) زیارت شیخ اللہ داد میں فریقین میں فائرنگ کے تبادلے میں ایک شخص جاں بحق اور 3 افراد زخمی ہو گئے۔ پولیس نے ملزمان کو گرفتار کر کے مقدمہ درج کر لیا ہے۔ کوہاٹ پنڈی روڈ پر واقع گمبٹ کے نواحی دیہات زیارت شیخ اللہ داد میں دو فریقین کے مابین درختوں کی کٹائی کے تنازعے پر تلخ کلامی اور ہاتھاپائی کے بعد اچانک فائرنگ کا سلسلہ شروع ہوا جس کے نتیجے میں مبینہ ملزم شیر علی کی فائرنگ سے مخالف فریق کا امام حسین نامی ایک شخص موقع پر جاں بحق جبکہ بادشاہ حسین اور پہلوان شدید زخمی ہو گئے جبکہ متحارب فریق کی جوابی فائرنگ کے نتیجے میں شیر علی بھی کئی گولیاں لگنے سے زخمی ہو گیا۔