لاہور (نامہ نگار) گارڈن ٹائون میں تیز رفتار موٹر سائیکل پھسل کر فٹ پاتھ سے ٹکرانے سے نوجوان نیچے گر کر جاں بحق ہوگیا۔ سرگودھا کے رہائشی 30 سالہ خلیق نے گرین ٹائون میں سنوکر کلب بنا رکھا تھا اور قریب ہی رہائش تھی۔ گزشتہ روز خلیق برکت مارکیٹ کے قریب موٹر سائیکل پر جارہا تھا کہ تیز رفتاری کے باعث بے قابو ہوکر پھسل کر فٹ پاتھ سے جاٹکرایا اور شدید زخمی ہوگیا۔ اسے طبی امداد کیلئے ہسپتال لے جایا گیا مگر وہ زخموں کی تاب نہ لاتے ہوئے دم توڑ گیا۔ متوفی کے والد اور بھائی نعش کو تدفین کیلئے آبائی گائوں لے گئے ہیں۔