لاہور (نیوزرپورٹر) لاہور میں ایچ ون، این ون بخار کے باعث ایک 57 سالہ مریض ہلاک ہوگیا۔ تفصیلات کے مطابق 57 سالہ سید الطاف شیرازی کو بخار اور فلو کے باعث نجی ہسپتال میں داخل کروایا گیا تھا جہاں وہ ہلاک ہوگیا۔ محکمہ صحت پنجاب نے اسلام آباد میں لیبارٹری ٹیسٹ کیلئے نمونے بجھوانے کا فیصلہ کیا ہے جبکہ وزیراعلیٰ پنجاب نے اس خبر کو نوٹس لیتے ہوئے مشیر صحت پنجاب اور سیکرٹری صحت پنجاب سے مکمل رپورٹ طلب کر لی ہے۔