لاہور(کلچرل رپورٹر)ریڈیو پاکستان لاہور مرکز نے ماضی کی شاندار روایات کو برقرار رکھتے ہوئے اپنے سامعین کے لئے2 خصوصی پروگرام پیش کئے ۔پہلا پروگرام جو قومی نشریاتی رابطے پر پیش کیا گیا اس میں ملک کے نامور لیجنڈ سنگر احمد رشدی کو ان کی برسی کے موقع پربھرپور خراج عقیدت پیش کیاگیا۔پروگرام کے میزبان افضال نقوی، پروڈیوسر مدثر قدیر تھے جبکہ دوسرے پروگرام میں آبروئے غزل مرزا غالب کی یاد میں عالمی کانفرنس کے اختتامی سیشن میں مشاعرے کو پروڈیوسرز عفت علوی اور سارہ افضل نے ریکارڈ کرکے اپنے سامعین تک پہنچایا۔ نگرانی ڈپٹی کنٹرولر پروگرامز انیلا سلیم نے کی جبکہ ان دونوں پروگراموں کے ایگزیکٹو پروڈیوسر اسٹیشن ڈائریکٹر ریڈیو پاکستان لاہور ساجد حسن درانی تھے۔