پیٹرنز ٹرافی کے دوران محمد عامر ان فٹ ، سٹیڈیم میں 23ویں سالگرہ منائی
کراچی (سپورٹس رپورٹر) سپاٹ فکسنگ کیس میں پانچ سال کی سزا پانے والے سابق ٹیسٹ فاسٹ باؤلر محمد عامر23سال کے ہو گئے ۔انہوں نے اپنی 23ویں سالگرہ نیشنل سٹیڈیم میں پیٹرنز ٹرافی گریڈ ٹو کرکٹ ٹورنامنٹ کے دوسرے روز چائے کے وقفہ کے دوران کیک کاٹ کر منائی جس کا اہتمام ان کی ٹیم عمر ایسوسی ایٹس نے کیا تھا۔دریں اثناء محمد عامر پیٹرنز ٹرافی گریڈ ٹو کرکٹ ٹورنامنٹ کے چار روزہ فائنل کے دوسرے روز ان فٹ ہو گئے تاہم ان کی انجری سنجیدہ نوعیت کی نہیں۔
