لاہور (خبر نگار) کنٹونمنٹ بورڈ میں ہونے والے بلدیاتی الیکشن کی تیاریوں کے سلسلے میں پیپلز پارٹی لاہور کا خصوصی اجلاس صدر پی پی پی لاہور ثمینہ خالد گھرکی کی صدارت میں منعقد ہوا جس میں پارٹی کے امیدوار فائنل کئے گئے آج (منگل) کو ثمینہ خالد گھرکی  ایک پریس کانفرنس میں پارٹی کے امیدواروں کا اعلان کریں گی اور امیدواروں کو میڈیا کے سامنے متعارف کروائیں گی۔ اجلاس سے خطاب کرتے ہوئے ثمینہ خالد گھرکی نے لاہور تنظیم کے تمام  زونل صدر کی ڈیوٹی لگائی کہ وہ کنٹونمنٹ بورڈز کے الیکشن میں پارٹی کے امیدواروں کی انتخابی مہم کو چلائیں۔