شیخوپورہ (نامہ نگارخصوصی) رجسٹری برانچ شیخوپورہ میں اوورچارجنگ کی انتہا ڈی سی او شیخوپورہ کی خاموشی لمحہ فکریہ بن گئی۔ معلوم ہوا ہے کہ رجسٹری برانچ میں سائلوں سے اوور چارجنگ کرکے لاکھو ں روپے ماہانہ کمایا جارہا ہے جبکہ اعلیٰ افسران نے کبھی بھی اس برانچ کا سرپرائز وزٹ نہیں کیا سب رجسٹرار کی وجہ سے سائل خوار ہوگئے ہیں کیونکہ سب رجسٹرار اپنی مرضی سے برانچ میں آتے ہیںجس کی وجہ سے بزرگ مردوخواتین  سائلین کو گھنٹوں ان کا انتظار کرنا پڑتا ہے ۔ بار بار یاد دہانیوں، شکایات اور درخواستوں کے افسروں کے کان پر جوں تک نہیں رینگی، افسر اور اہلکاران سائلین کیلئے درد سر بنے ہوئے ہیں پٹواریوں کا راج جو کسی کی بھی نہیں چلنے دیتے یہ سب کچھ ضلعی انتظامیہ کی غفلت اور چشم پوشی سے لوگ مارے  مارے پھر رہے ہیں اور مسائل ہیں کہ حل ہونے کا نام ہی نہیں لیتے۔ شہریوں نے وزیراعلیٰ پنجاب میاں شہباز شریف سے مطالبہ کیا ہے کہ شیخوپورہ کی رجسٹری برانچ کا قبلہ درست کرکے ان کے مسائل حل کرائے جائیں۔