یونیورسٹی آف ہیلتھ سائنسز نے ارحم شبیر اور سجاد اللہ کو پی ایچ ڈی کی ڈگری جاری کردی
لاہور ( کامرس رپورٹر) یونیورسٹی آف ہیلتھ سائنسز کی سنڈیکیٹ کا 43واں اجلاس بدھ کے روز وائس چانسلر میجر جنرل ریٹائرڈ پروفیسر محمد اسلم کی سربراہی میں ہوا جس میں فارماکولوجی میں ارحم شبیر اور ہیومن جنیٹکس کے مضمون میں سجاد اﷲ کو پی ایچ ڈی کی ڈگری جاری کرنے کی منظوری دی گئی۔ اجلاس میں پروفیسر ملک حسین مبشر اور پروفیسر بی اے یزدانی کے نام سے ایم بی بی ایس اور بی ڈی ایس میں مجموعی طور پر بہترین کارکردگی دکھانے والے طلبہ کیلئے گولڈ میڈل کے اجرا ء کی بھی منظوری دی گئی۔
