فیروزوالا + ساہیوال + کسووال +فیصل آباد (نامہ نگاران +نمائندہ خصوصی ) کسووال، فیروز والا میں 5 سالہ بچی، خاتون، فیصل آباد، ساہیوال میں 4 لڑکیوں سے زیادتی کی گئی۔ کسووال میں غازی آباد 9/169 ایل کی 5 سالہ بچی کو زیادتی کا نشانہ بنا ڈالا۔ رانا سجاد کی 5 سالہ بیٹی دروازے میں کھڑی تھی کہ اچانک لاپتہ ہوگئی تھوڑی دیر کے بعد بے ہوشی کی حالت میں گھر پہنچی۔ بچی نے بتایا کہ ایک نوجوان مجھے اٹھا کر لے گیا اور زیادتی کی۔ فیروزوالا میں کوٹ عبدالمالک کے محنت کش خالد کی بیوی (ش) اپنے رشتہ داروں سے ملنے جا رہی تھی رکشہ سوار گلفام اور اس کے دو ساتھیوں نے اغواء کے بعد اجتماعی زیادتی کی۔تھانہ ماموں کانجن کے علاقہ چک نمبر 507 گ ۔ ب کی شہناز بی بی ملزم سہیل کے پاس ملازمت کرتی ہے اور کھیتوں میں کام کاج میں مصروف تھی اس کی بیٹی آٹھ سالہ (ک) کو گھر پر اکیلا پا کر ملزم نے مبینہ طور پر زیادتی کا نشانہ بنانے کی کوشش کی۔ تاندلیانوالہ کے علاقہ چک نمبر 416 گ۔ب کے رشید کی بیٹی (ن) کو ملزمان علی شیر وغیرہ پانچ افراد نے جبکہ سٹی جڑانوالہ کے فاروق عادل کی ہمشیرہ (س) کو ملزم ثاقب نے اپنے تین ساتھیوں کے ہمراہ اغوا کے بعد مبینہ طور پر زیادتی کا نشانہ بنا دیا۔ ساہیوال میں چک نمبر 119/9 سے فاروق وغیرہ چھ ملزمان نے ایک ہفتہ قبل (ص۔ب) کو اغوا کر لیا اور نامعلوم جگہ پر جا کر زیادتی کا نشانہ بنا ڈالا۔ چک نمبر 88/6آر میں اظہر وغیرہ دو ملزمان نے محمد ریاض کی 15سالہ بھتیجی (ا۔ب) اکیلی پا کر بے آبرو کر دیا اور فرار ہو گئے۔ چک نمبر 56/5ایل میں رضوان وغیرہ 4ملزمان نے بشیر احمد کی بھانجی (ط۔ک) کو اغواء کرنے کی کوشش کی۔