مری (نامہ نگار خصوصی) جنرل بس سٹینڈ مری کے قریب روڈ پر کھڑی گاڑی حادثہ کا شکار ہو کر سینکڑوں فٹ گہری گھائی میں جا گری جس کے نتیجہ میں ماں اور اس کا جواں سال بیٹا جا بحق جبکہ چار افراد شدید زخمی ہوگئے جبکہ بچہ طبیعت خراب ہونے کے باعث گاڑی سے باہر ہونے کی وجہ سے معجزانہ طور بچ گیا۔ تمام افراد کا تعلق ایک ہی خاندان سے تھا جو سردیاں کراچی میں گزارنے کے بعد واپس آبائی گائوں توحید آباد نتھیاگلی جارہے تھے ،بچے کی طبعیت خراب ہونے پر ڈرائیور نے جنرل بس سٹینڈ مری کے قریب کار روڈ پر گاڑی چند لمحوں کیلئے روکی اور بچے کو نیچے اتارکر ڈرائیور محبوب اڈہ میں نمبرلکھوانے گیاکہ اس دوران گاڑی نمبر037 روڈ پر حفاظتی دیوار نہ ہونے کے باعث کھسک کر سینکڑوں فٹ گہری کھائی میں جاگری ۔