کراچی (نوائے وقت رپورٹ+ کرائم رپورٹر) شہر قائد میں اتوار کے روز ٹریفک حادثات اور دیگر واقعات میں 15 افراد جاں بحق 5 زخمی ہوگئے۔ تفصیلات کے مطابق بلدیہ ٹائون میں پکنک مناکر ساحل سمندر سے واپس آنیوالوں کی پک اپ ڈمپر سے ٹکرا گئی حادثے میں ایک خاندان کے 8 افراد جاں بحق 3 شدید زخمی ہوگئے جنہیں فوری ہسپتال منتقل کردیا گیا۔ زخمیوں کی حالت نازک بتائی جا رہی ہے۔ اتحاد ٹائون میں نامعلوم افراد نے عبدالخالق نامی 40 سالہ شخص کو تشدد کرکے مار ڈالا اور نعش فریدی چوک پر پھینک دی۔ کورنگی میں فائرنگ سے 28 سالہ عدیل زخمی ہوگیا۔ لیاری کے علاقے آگرہ تاج روڈ پر تیز رفتار ٹرک نے 10 سالہ منصور کو کچل کر ہلاک جبکہ 12 سالہ بھائی عثمان کو زخمی کردیا۔ کلفٹن کے علاقے سی ویو میں تیز رفتار گاڑی تلے آکر 6 سالہ بچہ یوسف رسول، گلشن معمار میں کار کی ٹکر سے موٹر سائیکل سوار 24 سالہ افتخار رشید جاں بحق ہوگیا۔ علاوہ ازیں ماڑی پور اور گڈانی میں 2 نوجوان اعجاز اور جان محمد سمندر میں نہاتے ہوئے ڈوب گئے۔ کھارادر میں رکشے کی ٹکر سے 65 سالہ راہگیر دم توڑ گیا جس کی فوری شناخت نہ ہو سکی۔