لکی مروت (آن لائن) لکی مروت کے علاقے دریائے کرم کے قریب کھدائی کے دوران زمین میں نصب بم پھٹنے سے ایک مزدور جاں بحق ہو گیا جبکہ دھماکہ کے نتیجے میں پانچ مزدور بھی زخمی ہو گئے ہیں۔ تفصیلات کے مطابق اتوار کے روز دریائے کرم کے قریب کھدائی کے دوران پہلے سے زمین میں نصب بم پھٹ گیا ہے جس کے نتیجے میں ایک مزدور جاں بحق ہو گیا جبکہ پانچ زخمی مزدوروں کو قریبی ہسپتال منتقل کیا گیا ہے۔ ریسکیو ذرائع کے مطابق زخمی مزدوروں میں دو کی حالت تشویشناک ہے ۔ واقعہ کے بعد پولیس کی بھاری نفری موقع پر پہنچ گئی اور علاقے کو گھیرے میں لے کر شواہد اکٹھے کرنا شروع کر دیئے ہیں۔