پسرور: ٹریکٹر ٹرالی ٹرین سے ٹکرا گئی ڈرائیور جاں بحق
پسرور (نامہ نگار) سیالکوٹ سے کراچی جانے والی ٹرین علامہ اقبال ایکسپریس پسرور کے قریب دھیڑ پھاٹک عبور کرتی ہوئی ٹریکٹر ٹرالی سے ٹکرا گئی حادثے کے نتیجہ میں ٹریکٹر سوار ڈرائیور سجاد احمد جاں بحق ہو گیا۔ ٹرین اور ٹریکٹر ٹرالی کے ٹکرانے کی آواز دور دور تک سنی گئی۔ حادثہ صبح ساڑھے آٹھ بجے پیش آیا۔مسافر محفوظ رہے۔ سجاد احمد کی عمر35 سال تھی۔ پولیس تھانہ صدر پسرور نے متوفی کی نعش پوسٹمارٹم کے بعد ورثا کے سپرد کر دی ہے۔
