جمرود (اے پی پی) ملاگوری میں زمین کے تنازعے پر چچا زاد بھائیوں کے درمیان فائرنگ میں دو بھائیوں سمیت تین افراد جاں بحق جبکہ دو شدید زخمی ہو گئے۔ واقعہ ملاگوری کے علاقہ لواڑہ مینہ میں پیش آیا جہاں زمین کے تنازعے پر چچا زاد بھائیوں سانول خان اور وحید خان میں تلخ کلامی سے شروع ہو کر نوبت فائرنگ تک پہنچی اور فریقین کے درمیان شدید فائرنگ ہوئی۔ پولیٹیکل تحصیلدار عصمت اللہ وزیر نے واقعہ کی تصدیق کرتے ہوئے کہا ہے کہ جاں بحق ہونے والوں میں دو بھائی حاجت خان اور وحید ولد سردار شامل ہیں۔