اسلام آباد (آن لائن) حکومت آج پیر کو سینٹ کمیٹیوں کے قیام کی تحریک پیش کرے گی ۔ بنگلہ دیش میں پھانسیاں رکوانے کی قرارداد بھی ایجنڈے کا حصہ بنا دی گئی ۔ پیر کے اجلاس کے لئے جو ایجنڈا رکھا گیا ہے اس میں قائمہ کمیٹیوں اور فنکشنل کمیٹیوں کی تحریک پیش کی جائے گی ۔ قائد ایوان راجہ ظفرا لحق تحریک پیش کریں گے ۔ نیشنل ایکشن پلان پر عملدرآمد کے لئے اے این پی ، سراج الحق کی جانب سے بنگلہ دیش میں پھانسیاں رکوانے ، سینیٹر سحر کامران کی جانب سے وفاقی ہسپتالوں کی کارکردگی ، طاہر مشہدی کی جانب سے وفاقی اداروں میں بدعنوانی اور دیگر تحاریک پر بھی بات ہو گی ۔