ائرچیف مارشل سہیل امان نے ٹینس سٹار ماہین آفتاب قریشی کو نقد انعام سے نوازا
لاہور(خبر نگار)پاک فضائیہ کے سربراہ ائرچیف مارشل سہیل امان نے ائر ہیڈکوارٹرز اسلام آباد میں نوجوان پاکستانی ٹینس سٹار ماہین آفتاب قریشی کو نقد انعام سے نوازا۔ائرچیف نے پاکستانی سرکٹ میں ابھرتی ہوئی ٹینس کی کھلاڑی کی کامیابیوں کو سراہا‘ انہوں نے پاکستان کیلئے اعزازات جیتنے پر انہیں مبارکباد دی اور مسقبل کے ٹورنامنٹس کیلئے نیک خواہشات کا اظہار کیا۔ ماہین آفتاب ائیر کموڈور آفتاب صادق قریشی کی بیٹی ہیں۔
