لاہور (سٹاف رپورٹر) شہر میں ڈاکوئوں اور چوروں نے شہریوں کو لاکھوں روپے مالیت کی نقدی ،زیورات و قیمتی سامان سے محروم کر دیا۔ ڈاکوئوں نے اچھرہ کے علاقہ میں جاوید کے گھر سے 8 لاکھ کی نقدی، زیورات و قیمتی سامان، مزنگ میں شہزاد کے گھر سے 6لاکھ روپے کی نقدی و زیورات، گجرپورہ میں وسیم کے گھر سے 5 لاکھ روپے کی نقدی و زیورات، مصری شاہ کے علاقہ میں خالد کے گھر سے 5 لاکھ کی نقدی و زیورات،شالیمار کے علاقہ میں شعیب  کے گھر سے 7 لاکھ کی نقدی وزیورات لوٹ لئے ہربنس پورہ کے علاقہ میں چور راشد کی دکان سے 8 لاکھ کا قیمتی سامان ،ہنجروال میں جاوید کے گھر سے 11 لاکھ  روپے کی نقدی و زیورات ،شیرا کوٹ میں مجید کے گودام سے 6لاکھ روپے کاغذ چوری کر لیا گیا دیگر وارداتوں میں ڈاکوئوں نے جنوبی چھاونی کے علاقہ میں اویس سے 50ہزار روپے، اقبال ٹاون کے علاقہ میں شبیر سے 80 ہزار نقدی و موبائل، لٹن روڈ میں عمران سے 40ہزار، خیابان امین میں سجادعلی کے گھر سے چور 4لاکھ اور شمالی چھائونی میں پولٹری فارم سے 5لاکھ روپے کی نقدی 3ڈاکو لے کر فرار ہو گئے دیگر وارداتوں میں ٹائون شپ میں اصغر سے ایک لاکھ 96 ہزار، شادمان میں اعجاز سے 90 ہزار، جوہرٹائون میں حیدر کی والدہ سے 70ہزار، ٹائون شپ میں فیصل سے 60  ہزار،گلشن راوی میں غلام شبیرسے 50ہزار،گجر پورہ میں عمر فاروق  سے 60ہزارشاہدرہ میں علی پرویز سے 50ہزار،گلشن اقبال میں کامران سے 33ہزار،سبزہ زار میں احسن سے 56ہزار روپے و موبائل ،قلعہ گجر سنگھ کے علاقہ میں جمشید سے 34ہزار روپے و قیمتی سامان ،اسلام پورہ میں پرویز سے 78ہزار روپے نقدی و موبائل لوٹ لیا گیا جبکہ ساندہ میں احمد ،شاہدرہ ٹاون میں ذیشان ، گلشن روای میں امین ،نواں کوٹ میں فہیم ،مغل پورہ میں جاوید ،لاڑی اڈہ میں شمس کی موٹر سائیکلیں چوری کر لیں گئیں ہیں۔ علاوہ ازیں راولپنڈی سے اپنے سٹاف رپورٹر کے مطابق بینظیر بھٹو انٹر نیشنل ائرپورٹ پر کراچی سے آنے والے منی چینجر کو لائونج سے باہر آتے ہی پولیس کی وردی میں ملبوس افراد نے پکڑ کر پجارو میں بٹھا لیا اور اس سے سوا سات کروڑ روپے کی رقم چھین لی ملزمان منی چینجر کو تھانہ کورال اسلام آباد کے علاقہ ترامڑی چوک میں گاڑی سے اتار کر فرار ہوگئے راولپنڈی پولیس نے اسے فرضی وقوعہ قرار دیا ہے۔ سلیم کراچی نے ریسکیو15 راولپنڈی پولیس کو اطلاع دی کہ وہ ائربلیو کی پرواز نمبرPA - 200 کے ذریعے بدھ کو اسلام آباد ائرپورٹ اترا اور اندرون ملک آمد کے لائونج سے باہر نکلا تو اسے پولیس کی وردی میں تین افراد نے اپنی گاڑی میں بٹھا لیا اور مجھے کھنہ پل لے جا کر دوسری گاڑی میں بٹھایا اور مجھ سے سوا سات کروڑ روپے چھین کر ترامڑی چوک میں گاڑی سے اتار کر فرار ہوگئے منی چینجر کے لٹنے کی اطلاع کے بعد اس کی تلاش میں سرگرداں رہی جبکہ وفاقی پولیس بھی منی چینجر کی تلاش کیلئے پہنچ گئی۔