افغان نیشنل آرمی کے وفد کی کور کمانڈر پشاور سے ملاقات، شمالی وزیرستان کا دورہ، شہداء کی یادگار پر پھول چڑھائے
پشاور (نوائے وقت رپورٹ + آئی این پی) کور کمانڈر پشاور لیفٹیننٹ جنرل ہدایت الرحمان سے افغان نیشنل آرمی کے وفد نے ملاقات کی۔ ملاقات کور ہیڈ کوارٹر پشاور میں ہوئی۔ آئی ایس پی آر کے مطابق ملاقات میں سرحدی امور میں تعاون بڑھانے پر بات چیت کی گئی۔ وفد نے شمالی وزیرستان میں میران شاہ کا دورہ کیا۔ آئی ایس پی آر کے مطابق وفد نے پاکستان کی دہشتگردی کے خاتمے کیلئے کوششوں کو سراہا ۔ افغان آرمی کے وفد نے میرانشاہ میں شہداء کی یادگار پر پھول چڑھائے۔
