رائے ونڈ (نامہ نگار) مشیر وزیر اعظم ایم این اے حلقہ رائے ونڈ ملک محمد افضل کھوکھر نے اپنی رہائش گاہ پر اہم اجلاس کی صدارت کرتے ہوئے کہا کہ وزیر اعظم نواز شریف پاکستان ہی نہیں بلکہ پوری دنیا میں قیام امن کیلئے کوشاں ہیں ۔انہوں نے کہا کہ سعودی عرب اور ہمارے مذہبی مفادات مشترکہ ہیں ان کا ملکر تحفظ کریں گے ۔دشمن نفرتیں پیدا کرکے ہمارے اتحادویکجہتی کو توڑنا چاہتا ہے ۔انہوں نے کہا کہ پنجاب حکومت نے تحفظ خواتین بل اور لیبر پالیسی کی منظوری دیکر عوام دوستی ثابت کردی ہے ۔انہوں نے کہا کہ اورنج لائن ٹرین منصوبے پر قائدین کی حکمت عملی سے پاکستان کو سواارب کی بچت ہوئی ہے ۔