اسلام آباد (آن لائن) عمران خان کی ہدایت پر ریحام خان بغیر کسی پروٹوکول کے خود ڈرائیو کرتے ہوئے لیڈی ریڈنگ ہسپتال پہنچ گئیں، بارشوں اور ٹریفک حادثات میں زخمی ہونے افراد کی عیادت کی۔ میڈیا رپورٹس کے مطابق پیر کے روز ریحام خان پشاور میں لیڈی ریڈنگ ہسپتال پہنچیں زخمی افراد کی عیادت کی اور انہیں ہرممکن طبی امداد کی یقین دہانی کرائی، ریحام کے لیڈی ریڈنگ ہسپتال پہنچنے پر مریض اور عوام حیران ہوگئے۔ عیادت کے بعد ریحام خان نے میڈیا سے گفتگو کرتے کہا ہے تمام زخمیوں کو بہترین طریقے سے طبی امداد دی جا رہی ہے اور متاثرین سیلاب کو امداد پہنچائی جارہی ہے،سائنس و ٹیکنالوجی نے بہت ترقی کی ہے، ہمیں سائنس کی مدد لینی چاہئے، میرا اپنا ذاتی تجربہ ہے قدرتی آفت سے بچنے کے لئے بھی اقدامات کئے جا سکتے ہیں۔ پشاور میں بارشوں سے اتنی تباہی ہوئی ہے اگر ہمیں صوبائی حکومت کو بروقت اطلاع کی جاتی، کم از کم جانی نقصان سے بچا جا سکتا تھا۔ این ڈی ایم اے نے بھی کوئی بروقت اطلاع نہیں دی جس پر افسوس ہے ہمیں این ڈی ایم اے کو منظم کرنے کی ضرورت ہے تاکہ آئندہ مستقبل میںایسی آفات سے نمٹا جا سکے۔
ریحام خان