لاہور(سپورٹس رپورٹر/ نمائندہ سپورٹس) پاکستان بلائنڈ کرکٹ کونسل نے پہلے ایشیا کپ ٹی 20 ٹورنامنٹ کیلئے 14 رکنی قومی سکواڈ کا اعلان کر دیا۔ 20 سے 26 مئی تک ایونٹ میں میزبان پاکستان کے علاوہ سری لنکا، بنگلہ دیش اور نیپال کی ٹیمیں حصہ لے رہی ہیں۔پاکستانی سکواڈ میں انیس جاوید کپتان جبکہ دیگر کھلاڑیوں میں محمد ادریس سلیم، محمد ایاز، جواد علی، ریاست خان، شعیب خان، ہارون خان، بدر منیر، محمد سلمان، متی اﷲ، ذیشان گل، اسرار حسن، محسن خان اور محمد ارسلان شامل ہیں۔