گوجرانوالہ (نمائندہ خصوصی ) گوجرانوالہ کور کے زیر نگرانی آرمی ہاکی چیمپئن شپ بہاولپور نے جیت لی۔ ٹورنامنٹ میں11 ٹیموں نے حصہ لیا۔فائنل میچ بہاولپور کور اورمنگلاکور کی ٹیموں کے مابین کھیلا گیا،ایک دلچسپ مقابلے کے بعد بہاولپور کور آرمی کی ہاکی چیمپئن 2015 قرار پائی ، پاکستان ہاکی ٹیم کے کھلاڑی سپاہی ارسلان چیمپئن شپ کے بہترین کھلاڑی قرار پائے۔ مہمان خصوصی کور کمانڈر گوجرانوالہ لیفٹیننٹ جنرل غیور محمود نے انعامات تقسیم کئے اور کھلاڑیوں کی حوصلہ افزائی کی۔