فیروز والا + فیصل آباد + اوکاڑہ (نامہ نگاران + نمائندہ خصوصی) فیروزوالا، فیصل آباد اور اوکاڑہ میں نوعمر لڑکے، 5 لڑکیوں اور ایک خاتون سے زیادتی کی گئی۔ شرقپور خورد (کوٹ عبدالمالک) کے رہائشی شوکت علی کا بیٹا شاہ زیب گھر کے باہر جارہا تھا نوجوانوں عدنان اور زین نے اسے پکڑ کر تشدد کے بعد عدنان نے زیادتی کرڈالی۔ تھانہ نشاط آباد کے علاقہ چک نمبر 100 ج۔ ب کے ارشد کی دو بیٹیوں 13 سالہ (س) اور 12 سالہ (ک) کو ملزم شکیل، فیکٹری ایریا کے علاقہ محلہ ایوب ریسرچ کی معراج بی بی کی دو بیٹیوں 12 سالہ (ک) اور گیارہ سالہ (ن) کو ملزمان خالد وغیرہ نے مبینہ طور پر زیادتی کا نشانہ بنا دیا۔ مدینہ ٹائون سوساں روڈ کی (ش) کو ملزم سلمان نے مبینہ طور پر زیادتی کا نشانہ بنا دیا۔ اوکاڑہ میں نواحی قصبہ دیوان سنگھ میں صوبیہ بی بی سے ملزم شفیق نے زیادتی کرڈالی۔