لاہور(سپورٹس رپورٹر/ نمائندہ سپورٹس) صدر پاکستان فٹ بال فیڈریشن مخدوم فیصل صالح حیات کو دوبارہ ایشیئن فٹ بال کنفیڈریشن کی ایگزیکٹو کمیٹی کا ممبر منتخب ہو گئے۔ بحرین ماناما سے سید فیصل صالح حیات کا کہنا تھا کہ وہ اس کامیابی کو پاکستان میں فٹبال کی ترقی کیلئے بہت اہم سمجھتے ہیں اور ماضی کیطرح مستقبل میں بھی پاکستان اور ایشیا بھر میں فٹبال کے فروغ کیلئے کوششیں جاری رکھیں گے۔ پاکستان فٹبال فیڈریشن کے سیکرٹری جنرل احمد یار لودھی نے فیصل صالح حیات کی کامیابی کو پاکستان میں فٹبال کے فروغ کیلئے انتہائی اہم قراردیتے ہوئے کہا انکی یہ کامیابی پاکستان کیلئے بہت با عزت ہے۔ اے ایف سی کانگریس کے موقعہ پر فیفاکے صدر جان سیپ بلاٹر نے اے یف سی کے دوبارہ سے منتخب صدر شیخ سلمان بن ابراہیم الخلیفہ کے ہمراہ پاکستان کے وفد سے ملاقات کی اور پاکستان میں فٹبا ل کے فروغ کیلئے تعاون کا یقین دلایا۔