الاٹ شدہ فلیٹس یا مکان فروخت کرنے کی اجازت کے اعلان پر محنت کشوں میں خوشی کی لہر‘شہباز شریف زندہ باد کے نعرے
لاہور (خصوصی رپورٹر) وزیراعلیٰ پنجاب محمد شہبازشریف نے محنت کشوں کے عالمی دن کے موقع پر مانگا رائیونڈ روڈ پر ورکرز ویلفیئر کمپلیکس متصل سندر انڈسٹریل اسٹیٹ کا سنگ بنیاد رکھنے کی تقریب سے پرجوش انداز میں خطاب کیا- وزیراعلیٰ نے جب صنعتی کارکنو ںکے لئے آئندہ لیبر کالونیوں میں قرعہ اندازی کے ذریعے الاٹ شدہ فلیٹس یا مکان فروخت کرنے کی اجازت دینے کا اعلان کیا تو پنڈال میں موجود ہزاروں مرد و خواتین محنت کشوں میں خوشی کی لہر دوڑ گئی- محنت کشوں نے تالیاں بجا کر وزیراعلیٰ شہبازشریف زندہ باد کے نعرے لگائے اور اس اعلان کی بھرپور تحسین کی- شہباز شریف کی تقریر کے دوران محنت کشوں نے دیکھو دیکھو کون آیا …شیر آیا شیر آیا کے نعرے بھی لگائے- وزیراعلیٰ نے تقریر کے اختتام پر پاکستان زندہ باد، قائد اعظم زندہ باد اور نوازشریف زندہ باد کے نعرے لگوائے-
