گوجرانوالہ (نمائندہ خصوصی) نامعلوم موٹرسائیکل سواروں نے اندھا دھند فائرنگ کر کے 2 مزدوروں کو قتل جبکہ بھٹہ مالک کے بیٹے کو شدید زخمی کر دیا۔ بتایا گیا ہے کہ تھانہ کینٹ کے علاقہ ترگڑی روڈ پر واقع مشتاق چیمہ کے بھٹہ خشت پر مزدور افضل اور عنایت بھٹہ مالک کے بیٹے خرم مشتاق کے ہمراہ موجود تھے اس دوران وہاں پر آنے والے نامعلوم موٹر سائیکل سوار ملزمان نے اچانک اندھا دھند فائرنگ کر دی جسکے نتیجے میں گولیوں کی زد میں آکر دونوں مزدور موقع پر ہی دم توڑ گئے اور خرم مشتاق شدید زخمی ہو گیا، ملزمان فائرنگ کرتے ہوئے موقع سے فرار ہو گئے، اطلاع ملنے پر ریسکیو ٹیموں نے موقع پر پہنچ کر مقتولین کی نعشوں کو ضروری کارروائی اور زخمیوں کو طبی امداد کی فراہمی کے لئے ڈسڑکٹ ہسپتال منتقل کیا۔کینٹ پولیس مصروف تفتیش ہے ۔