چشتیاں (نامہ نگار) ڈاکوﺅں اور پولیس کے درمیان فائرنگ کے تبادلہ کے نتیجہ میں دو نامعلوم ڈاکو ہلاک ہوگئے ۔ پولیس ذرائع کے مطابق بستی قلندر شاہ کے قریب تین ڈاکوﺅں نے ریت سپلائی کرنے والے ٹھیکیدار کے ملازم سرور سے ڈیڑھ لاکھ روپے چھین لئے اور مزاحمت کرنے پر فائرنگ کردی ۔ جس کے نتیجہ میں ایک دیہاتی محمد اکرم زخمی ہوگیا تینوں ڈاکو فرار ہوگئے۔ جس پر دیہاتیوں اور پولیس نے ڈاکوﺅں کا تعاقب شروع کردیا اور بستی نوناں موضع پٹی عبدالرحمن کے قریب ڈاکوﺅں نے فصل مکئی میں پناہ لے لی ۔ اس واقعہ کی اطلاع ملنے پر سرکل چشتیاں کے پولیس افسران اور بہاولنگر سے پولیس کی بھاری نفری موقع پر پہنچ گئی اور ڈاکوﺅں سے مقابلہ میں دو ڈاکوہلاک ہوگئے اور تیسرے ڈاکو کی تلاش جاری ہے۔
پولیس مقابلہ