لاہور (نمائندہ سپورٹس) چار ملکی ہاکی سیریز میں پاکستانی ٹیم نے دوسری کامیابی حاصل کر لی۔ ہوبارٹ میں کھیلے گئے ہاکی سیریز کے میچ میں پاکستانی ٹیم نے جنوبی کوریا کو چار کے مقابلے میں پانچ گول سے ٹھکانے لگایا ۔ گرین شرٹس کی جانب سے محمد عرفان نے دو ، محمد وقاص ، محمد رضوان اور محمد دلبر نے ایک ایک گول سکور کیا۔ سیریز میں پاکستانی ٹیم نے دوسری کامیابی اپنے نام کی۔ اس سے قبل پاکستان کو میزبان آسٹریلیا کی دونوں ٹیموں کے علاوہ نیوزی لینڈ سے بھی شکست کا سامنا کرنا پڑا تھا۔