میرپور (اے پی پی) مصباح الحق نے بطور کپتان زیادہ ٹیسٹ میچز جیتنے کا آسٹریلیا کے این چیپل کا ریکارڈ توڑ ڈالا۔ پاکستان نے بنگلہ دیش کو دوسرے ٹیسٹ میں شکست دی‘ یہ بطور کپتان مصباح کی سولہویں کامیابی تھی۔ این چیپل کی زیر قیادت آسٹریلوی ٹیم نے پندرہ ٹیسٹ میچز جیتے تھے۔ بطور کپتان جنوبی افریقہ کے گریم سمتھ نے 53 میں کامیابی حاصل کی۔ واضح رہے کہ مصباح کو اب تک 36 ٹیسٹ میچز میں گرین شرٹس کی قیادت کا اعزاز حاصل ہے جس میں سے گرین شرٹس نے 16 ٹیسٹ جیتے، 10 ہارے اور دس ڈرا ہوئے۔