پشاور (صباح نیوز) پشاور سے اٹک کیلئے خصوصی ٹرین سروس کا آغاز کر دیا گیا۔ افتتاحی تقریب میں بینڈ کی شاندار پرفارمنس نے سماں باندھ دیا۔ کینٹ ریلوے سٹیشن پر سپیشل سفاری ٹرین کی افتتاحی تقریب میں خواتین سمیت شہریوں نے بڑی تعداد میں شرکت کی۔ اٹک جانے کیلئے درجنوں خاندان بھی کینٹ ریلوے سٹیشن پہنچے۔ ٹرین میں مسافروں کیلئے خصوصی انتظامات کئے گئے ہیں۔ اٹک کیلئے سپیشل سفاری ٹرین ہر پندرہ دن بعد چلے گی۔