سیالکوٹ میں علامہ اقبال گالف ٹورنامنٹ کا انعقاد
گوجرانوالہ (نمائندہ خصوصی)16ویں علامہ اقبال گالف ٹورنامنٹ گیریژن گالف کلب سیالکوٹ میں ہوا۔ پروفیشنل کیٹگری میں 50سے زائد شرکاء نے شرکت کی۔صف اول کے 10 کھلاڑی بھی شامل تھے جبکہ 25 کھلاڑیوں نے سینئر پلیئرز کیٹگری اور150 سے زائد نے امیچیورز کیٹگری میں شرکت کی۔ کور کمانڈر گوجرانوالہ لیفٹیننٹ جنرل غیور محمود نے کھلاڑیوں اور آفیشلز میں انعامات تقسیم کئے۔پروفیشنل کیٹگری میں اسلام آباد گالف کلب کے حمزہ امین نے اول، جبکہ سینئرامیچورز کیٹگری میں لیفٹیننٹ کرنل اکرام الحق، لاہور گالف کلب نے گراس کیٹگری میں اول، ایبٹ آباد گالف کلب کی ٹیم گراس کیٹگری جبکہ گیریژن گالف کلب سیالکوٹ کی ٹیم نیٹ کیٹگری میں اول قرار پائی۔
