رات گئے لاہور ، سکھر، شکار پور میں پولیس مقابلے، 7ڈاکو ہلاک
لاہور، سکھر، شکارپور(نوائے وقت رپورٹ)لاہور ، سکھر اور شکار پور میں رات گئے ہونے والے پولیس مقابلوں میں 7 ڈاکو ہلاک ہو گئے، لاہور کے علاقے علامہ اقبال ٹائون میں پولیس مقابلے میں دو ڈاکو ہلاک ہوگئے۔ علامہ اقبال ٹائون میں پولیس اور ڈاکوئوں کے درمیان فائرنگ کا تبادلہ ہوا جس میں دو ڈاکو ہلاک ہوگئے، ایس ایس پی ثاقب میمن کے مطابق سکھر میں باگڑ جی کے کچے کے علاقے میں تین ڈاکو ہلاک ایک زخمی ہو گیا۔ہلاک ڈاکوئوں کے قبضے سے دستی بم ، اسلحہ اور گولیاں برآمد کرلیں، شکار پور میں گڑھی یاسین کے قریب سون واہ کے مقام پر پولیس مقابلے میں دو ڈاکو ہلاک ہوگئے ملزم رحیم اور شاہد 40 سے زائد مقدمات میں مطلوب تھے۔ آئی جی نے پولیس مقابلے میں حصہ لینے والے اہلکاروں کیلئے 5لاکھ روپے انعام کا اعلان کیا ہے۔
