لاہور(سپورٹس رپورٹر/ نمائندہ سپورٹس) آسٹریلیا میں چار ملکی ہاکی سیریز میں شرکت کے بعد پاکستان ہاکی ٹیم وطن واپس پہنچ گئی۔ ہوبارٹ میںسیریز میں پاکستان ٹیم کی کارکردگی مایوس کن رہی، قومی ٹیم اگلے مرحلے میں 15 مئی کو کوریا روانہ ہوگی جہاںچار میچوں کی سیریز کھیلی جائے گی۔ دونوں ٹیموں کے درمیان پہلا میچ 18 مئی کو کھیلا جائیگا۔ سیریز کا دوسرا میچ 20 مئی، تیسرا 22 مئی جبکہ چوتھا اور آخری میچ 24 مئی کو کھیلا جائیگا۔