لاہور(سپورٹس ڈیسک ) سپر ایٹ ٹی ٹونٹی ٹورنامنٹ میں پشاور پینتھر ز نے ایبٹ آباد فالکنز شکست دیدی۔ ایبٹ آباد فالکنز نے 4وکٹوں پر 178رنزبنائے ۔ یاسر حمید20‘سجاد علی 52‘فخر زمان 20‘کامران غلام 32رنز بناکر آئوٹ ہوئے ۔ عدنان رئیس45اور خالد عثمان 6رنز پر ناقابل شکست رہے ۔ پشاو ر پینتھرز نے ہدف چاروکٹوں پر پوراکرلیا۔رفعت اللہ مہمند نے 34گیندوں پر 78رنز کی اننگز کھیلی جس میں دس چوکے اور چار چھکے شامل تھے ۔محمد رضوان نے 28گیندوں پر ناقابل شکست51رنز بنائے ‘ان کی اننگز میں چار چوکے اور تین چھکے شامل تھے۔ محمد فیاض 9رنز بناکر ناٹ آئوٹ رہے ۔رفعت اللہ مہمند کو میچ کا بہترین کھلاڑی قرار دیا گیا۔ راولپنڈی ریمز نے سیالکوٹ سٹالینز کو 25رنز سے ہرادیا۔راولپنڈی ریمز نے تمام وکٹوں پر 152رنز بنائے ۔خرم شہزاد 38‘زاہد منصور 28‘محمد نواز 28رنز بناکر نمایاںرہے۔بلاول بھٹی نے چار اور اسامہ میر نے تین وکٹیں حاصل کیں ۔سیالکوٹ سٹالینز کی ٹیم9وکٹوں پر 127رنز بناسکی۔ایاز تصور 64رنز پر ناقابل شکست رہے۔شعیب ملک ایک سکور بنا سکے ۔محمد اصغر نے تین ‘سیمع اللہ نے دو‘سہیل تنویر‘محمد عامر اور حماد اعظم نے ایک ایک وکٹ حاصل کی۔محمداصغر کو میچ کا بہترین کھلاڑی قرار دیا گیا ۔