لاہور(سپورٹس رپورٹر/ نمائندہ سپورٹس) 48 ویں قومی والی بال چیمپئن شپ میں مزید چار میچوں کا فیصلہ ہو گیا۔ واپڈا، اے جے کے، پولیس، آرمی، کے پی کے، بلوچستان، نیوی اور پنجاب کی ٹیموں نے کوارٹرفائنل کے لئے کوالیفائی کر لیا ہے۔ پہلا میچ نیوی اور سندھ کی ٹیموں کے درمیان کھیلا گیا جس میں نیوی نے تین صفر سے کامیابی اپنے نام کی۔ واپڈا نے فاٹا کو تین صفر سے زیر کیا۔ پی اے ایف نے خیبر پی کے ٹیم کو شکست دی۔ آرمی اور پولیس کی ٹیموں کے درمیان میچ میں آرمی نے تین دو سے کامیابی حاصل کی۔ چیمپئن شپ کے چاروں کوارٹر فائنل آج کھیلے جائیں گے۔