شیخوپورہ +ساہیوال+ ملکہ ہانس (نامہ نگار خصوصی +نامہ نگاران) مختلف وجوہات پر شیخوپورہ میں خاتون، ساہیوال اور ملکہ ہانس میں 2 نوجوانوں نے زندگی ختم کر لی۔شیخوپورہ میں شادی شدہ خاتون فوزیہ نے گھریلو جھگڑے پر مشتعل ہو کرپھندا لے کر موت کو گلے لگا لیا۔ بھٹو نگر کے 22 سالہ بابر نے گذشتہ رات زہریلی گولیاں کھالیں، حالت غیر ہونے پر ڈسٹرکٹ ہسپتال لے جایاگیا جہاں سے اسے لاہور ریفر کردیاگیا 24گھنٹے کی موت وحیات کی کشمکش کے بعد بالآخر وہ زندگی کی بازی ہارگیا۔ خودکشی کی وجہ معلوم نہیں ہوسکی۔ ملکہ ہانس کے نواحی گاؤں 70 ڈی میں نوجوان افضل پراسرار طور پر ہلاک، پولیس نے نعش قبضے میں لے کر خود کشی کا مقدمہ درج کر لیا ہے۔مقتول حویلی لکھا کا رہائشی ہے وقوعہ کے روز اپنی روٹھی بیوی کو منانے آیا تھا۔