ملتان: پی ٹی آئی کارکنوں کی میڈیا نمائندوں سے تلخ کلامی، ہاتھا پائی، معذرت پر جلسے کی کوریج
ملتان (آن لائن) عمران خان کے سپورٹس گرائونڈ میں جمعہ کے روز جلسہ کی کوریج کے لئے ملتان پہنچنے والے میڈیا کے کارکنوں سے پی ٹی آئی کے کارکنوں نے تلخ کلامی کی۔ کارکنوں نے میڈیا کے نمائندوں پر ہلہ بول دیا اور ہاتھا پائی کی جس کو وہاں پر موجود پولیس حکام نے مداخلت کر کے میڈیا کے نمائندوں کو کارکنوں سے بچایا۔ اس واقعہ پر میڈیا کے نمائندوں نے شدید احتجاج کیا تاہم بعد ازاں پی ٹی آئی کے رہنمائوں اور رکن قومی اسمبلی ملک عامر ڈوگر کی معذرت پر عمران خان کے جلسہ کی کوریج کی۔
