لاہور (خصوصی نامہ نگار) الخدمت فاﺅنڈیشن کے تحت یتیم بچوں کے لئے اقامتی ادارے آغوش الخدمت گوجرانوالہ کی تعمیر کے لئے ”انور مسعود کے ساتھ ایک شام۔۔۔ یتیم بچوں کے نام“سے چیرٹی ڈنر کا انعقاد کیا گیا۔ پروگرام میں میزبانی کے فرائض اختر عباس نے سر انجام دئے جبکہ دیگر مہمانان میں محمد عبد الشکور، اکرام الحق سبحانی، جاوید اقبال، خالد احمد شیخ اور توصیف احمد سمیت خواتین و حضرات نے بڑی تعداد میں شر کت کی۔ جاوید اقبال نے کہا ناگہانی آفات ، بد امنی کے خلاف جنگ ، روزمرہ حادثات اوربیماریوں کے باعث ملک بھر کی طرح گوجرانوالہ اور گرد و نواح میں بھی یتیم بچوں کی تعداد میں اضافہ ہو رہا ہے۔ الخدمت فاﺅنڈیشن گوجرانوالہ اس سلسلہ میں جی ٹی روڈ کینٹ میں10 کروڑ کی لاگت سے210یتیم بچوں کے لئے 6 کنال پر محیط آغوش الخدمت گوجرانوالہ کے نام سے ادارے کی تعمیر کا کام شروع کیا ہے۔